A. Dt Pandjang:
Ampunlah ambo di kerapatan angku-angku psnghulu nan 4 buah nagari, nan gadang basa batuah bakeh ambo mandatangkan sambah.
Sarapeknyo tuanku nan siak-siak, bakeh ambo manibokan salam.
Indak diatok dibilang gala, jo sambah ambo muliakan. Sungguahpun diambo tabiknyo sambah, lah pai jo mpakat tingga jo rundiangan, jo silang nan bapangka, karajo nan bajunjiang, pangatuo Sikumbang nan 4 buah nagari;. sambah ambo tibokan kapado Datuam Sati !
B. Datoek Sati:
Sambah kapado Allah, menitahlah angku datuak !
A. Datoek Pandjang:
Sambah jo titah nan dijunjuang tinggi diamba taba, dipuji baiak.
Dahulu kato basitinah, kamudian kato basicapek, basivapek sajo sambah ambo kapado datuak.
Kasicapėk-annyo, karano iyo juo dahulunyo, samaso sumua akan dikali, tatkalo rantiang kan dipatah jalan duo nan baturuik', kato duo nan bapakai.
Jalan duo nan baturuik:
- Partamo jalan adat,
- kaduo jalan syarak.
Kato duo nan bapakai:
- Partamo kato pusako,
- kaduo kato parbuatan,
Kok ditantang jalan adat, kumbali kapado penghulu nan gadang basa batuah.
Kok ditantang jalan syarak, pulang kapado tuanku nan alim nan kiramaik
kok buwek nantun kadipakai, kok pusako kadirungguhi.
Kalampisannyo dalam nan sado nantun: Rumah dibari bamamak,
kampuang dibari batuo,
nagari dibari babasa.
Sabab ketek banamo pakarjaan, gadang banamo pakarjaan. Nan sarupo iko pun alah manyuruah baliau nan tuo disiko mambari tahukan kapado dunsanak nan dihilie, kapado sudaro nan dimudiek sarato kapado panghulu nan ampek buah nagari.
Kok dek panghulu nan ampek buah nagari, biaso janjian batapati, ikara baunikan, kok jauah alah dijalang, ampie alah dituruik. Batingkek janjang lah batapirk bandua, pun alah batampun katangah rumah nangko, sirih sakapua alah bakunyah, rokok sabatang alah baisok. Pihak makan jo minum pun alah pulo samporono kaduonyo. Baa kini, karano lai nan takana dihati, nan takalang dimato, dijunjuang karajo nan ampek suku, sarato dipangka karajo pangatuo Sikumbang nan 4 buah nagari. Kok alah bana kaditarangkan kapado karapatan panghulu nan sa'adat, sarato tuanku nan sakitab. Itulah sambah ditibokan kapado angkoe Datuak.
Jawab Datoea' Sati:
Alah sampai de' angku Datoea' ?
Insya Allah sakian baru, jawab Datoea' Pandjang.
Datoea' Sati.
Maa... angku Datoea' Pandjang !
Lai manitah Datoea', jawab Datoea' Pandjang.
Datoea' Sati:
Sambah jo titah nan diangku Datoea' juo nan dimuliakan. Dahulu kato basitinah, kudian kato basicapek. Basicapek sajo ambo kapado angkoe Datoea', a lah nan manjadi buah bana diangku Datoea' tadi, karano, basuo di hari nan babilang, di padang nan baukuah, janji nan dikarang, artinyo dari jauah alah dijalang, alah batingkek janjang, alah batapiek bandua, pun kini alaj batampun katangah rumah nangko, kok rokok alah bahisok sabatang surang, kok siriah lah bakunyah sakapua surang. Pihak kapado makan jo minum alah pulo samporono kaduonyo. Jadi kini lai nan taragak, takana dihati, nan takalang dimato, dijunjuang karajo nan 4 suku sarato panghulu jo panggatuo Sikumbang nan ampek buah nagari, alah kok elok dikatangahkan ?
Baitu bana nan katangah di angku tadi tu ?
Sabananyo, jawab Datoea' Pandjang.
Datoea' Sati
Indak lai limbago alah ba'itu bana nan takalang di mato nán taraso dihati, disilang nan bapangka, dikarajo nan bajujuang, kok tipak didiri ambo surang, alah elok bana dikatangahkan, naknyo siang ba' hari, naknyo tarang ba' bulan, samantaro inyik mamak lai rape'. Sungguahpun ba' itu, ba' pituah urang tuo kito juo: kato surang dibulati, kato basamo dipaiyokan, kini karano injik mamak lai duduak samo dihado' dengan sagaji urang tuo alim ulama nan ado disiko, ko' hambo bawo kato tu jo mupakat sabanta, lai ko' didalam barih adat, melah nan di minta' kapado angku ?
Datoea' Pandjang.
Maa angkoe Datoea' Sati, kato nan katangah diangku itu iyo bana alah tahimbau dinamonyo, alah tasabui' digalanyo, alah didalam barih adat bana. Basagiro malah angku, amaklah kami manantikan.
Datoea' Sati, bermupakat jo injik mamak sado nan hadir diateh rumah dari ujuang kapangka, dari tangah sampai Katapi. Jawab karapatan injik mamak, apo nan dikatangahkan angku Datoea' Pandjang itu, yolah didalam barih adat bana, alah patui' disiangkan ba' hari, ditarangkan ba' bulän, ko' lai nan taragak takana disilang nan bapangka dikarajo nan bajunjuang.
Sudah itu Datoea' Sati mamulangkan kembali kato itu kapado Datoea' Pandjang, saparti di bawah iko:
Maa angku Datoea' Pandjang !
nan katangah diangku tadi itu, alah ambo paiyo patidokan jo inyik mamak sado nan hadir, nan jadi pambari baliau basamo-samo, limbago lai nan taragak takaria' de' silang nan bapangka karajo nan bajunjuang, iyolah saelok-eloknyo bana di katangahkan kiniko, amaknyo siang ba' hari, amaknyo tarang ba' boelan, sakian sambah dipulangkan kapado angku!
Datoea' Pandjang.
Maa angku Datoea' Sati, malah ba' itu jawab karapatan iyolah, sanang hati kami. Baa to kini lại nan taragak takana de' silang nan bapangka karajo nan bajunjuang, panghulu nan ampe' suku dipangka karajo pangatuo Sikumbang năn 4 buah nagari, karano iyo juo ba' kato-kato urang tuo:
Tatakalo maso dahulunyo, tatakalo langi' manyentak naik, bumi ka mahatam turun, maka takambanglah alam basa, baru tatagak tiang areh, payuang panji marawa basa, takambang dicawang langik.
Mulonyo buki' kabadiri, asanyo gunuang katarado, alamat manjadi pasak bumi, alah manjadi pandapatan dengan kodraat Tuhan kito, langik lah manyentak naik, bumi alah mahatam turun, nagari bakalebaran, manusia lah bakakambangan, manurui' adat satu-satu, mamakai bue' lain-lain. Nan diarah nan dititah, nan di-ijo nan dipakai, didalam Alam Minangkabau:
Cupak nan duo, kato nan ampe'.
Partamo cupak asali, kaduo cupak buatan, katigo kato pusako, kampe' kato mupakat, kalimo kato dahuli nan batapati, kaanam, kato kamudian, kato bacari, paamba kato nan dahulu. Pusako ta' bulieh diubahkan, alah dikalikan dalam-dalam, alah digantuangkan tinggi-tinggi, ko' dirumah coreng bareh, tibo dirimbo tokek kayu, jatuah kabumi antak tanah.
Baa kini alah basuo malang nan indak bulieh ditolak, mujua nan indak bulieh dirayih. Alah singke' langkah, alah panjang parmintaan, tantangan dari pado baliau Datoea Moedo, alah bapulang ka-rahmatu'llah, pado hari nan baik kutiko nan elok. lyo bana kok dibaliau ibarat janjian alah batapati, ikara alah bamuliakan, ibarat katidiang alah panuah isinyo, ko' basuke' alah bapareh, ta' dape' dihubuang lai. Iyo juo manurui' hadih Malayu:
1. Abdoelah namonyo guru,
ta' banda kabaruah lai,
Ajaloellah datang manunggu,
Ta' dape' batangguah lai.
Kalampisannyo dalam nantun;
2.. Madang pulai baru baluah,
Karih panjang pambalah pelo,
Aja sampai gadanglah sudah,
Dunia habih akhirat lah tibo pulo.
3. Iyo bana ta' buliah padi dibali,
Padi di kabe' jo amponyo,
lyo bana ta' buliah sakandak hati,
Garak Allah hanyo nan basuo.
Baa ko' buliah kahandak silang nan bapangka, karajo nan bajunjuang manurui' hadih Malayu juo: Limpato bajunjuang sirih, Ko' jirek tabang dahulu, Samo dibalah kaduonyo, Ko' bana pintak lai kabuliah, Ko' kahandak lai ka balaku, Ajat juo baliau handaknyo dalam satahun duo nangko.
Limbak nan dari pado nantun, malang jo mujue indak bacarai, manurui' hadih Malayu:
Karanglah bungo campago.
Sikujue bari batali,
Malang nan sakajab mato,
Mujue nan sapanjang hari,
Baä kini, karano baliau itu jo panghulu nan 4 buah nagari, ko' kabukik samo mandaki, kalurah samo manurin. balabo samo dibagi, marugi samo ditimbuni, manurui' sapanjang adat, biaso juo hilang bacari, tabanam basalami, tagantuang dirayieh, ba' papatah Malayu juo:
Patah galang ditimpo galang,
Patah ditimpo jo tambago.
Hilang gadang baganti gadang,
Gadang balega ka nan mudo.
Kasiek alah manganduang perak, Tanah merah menganduang intan, Samo digali kaduonyo. Dari ninik turun kamamak, Dari mamak turun kekamanakan, Warih lah sajak dahulunyo.
Kaladai namonyo kudo, Bari bakakang layang-layang, Lake'kan ganto palanonyo. Inyo sapantun bungka jalo, Tuangan amuahnyo hilang, Pusako ba itu juo.
Kayu kale' jo madang rasak. Sirawik ambie' panabang bingkudu, Tarah kapapan kalabiahanyo. Tungke' nan rabah katatagak. Payuang nan kucui' kadikambang, Karih talata' kadipakai.
Buruang banamo parapati, Inggo' dirantiang kayu aro, Patah tumbuh hilang baganti, Mati nan tuo diganti jo nan mudo.
Baä kok alah bana ditarangkan kapado panghulu nan ampek buah nagari sarato tuanku nan tiap-tiap sidang, kok kéték banamo satu, gadang banamo duo itulah sambah nan ditibokan kapado Datos'.
Dt. Sati
Maa Dt. Pandjang!
Sapanjang panitahan Datoea' itu, lah didalam adat; sungguahpun didalam adat, sabab dihadapan panghulu nan 4 buah nagari ambo paiyokan jo panghulu nan 4 buah nagari dahulu, lai ko' didalam barih adat?
Alah dalam barih adat bana, jawab Dt. Pandjang.
Dan Dt. Sati pun mampaiyokan pulo jo panghulu nan 4 buah nagari.
Panjawapan panghulu nan 4 buah nagari, alah didalam adat sapanjang panitahan silang bapangka, lah elok disiangkan bak hari ditarangkan bak bulan. Kok ketek banamo satu, gadang banamo duo kapado panghulu nan 4 buah nagari.
Dt. Satipun mangumbalikan sambah. kapado Dt. Pandjang, yaitu bagaimano pambarian panghulu nan 4 buah nagari.
Dt. Pandjang
Maa Dt. Sati?
Sapanjang panitahan Dt. lah didalam adat. Baä karano didalam adat sabab akan ambo tarangkan, ketek banamo satu, gadang banamo duo. Lai warih nan kamanjawek pusako nan kamamakai, nan bagala Bagindo Moedo dahulu: kini bagala Dt. Moedo.
Panungkeknyo nan banamo si Moerin bagala Bagindo Moedo
Lai kok basuo dilabuah nan golong dipasa nan rami dimedan sakato, minta' dipapasieh gala urang nan tasabui' itu.
Kato Dt. Sati
Maa Dt. Pandjang!
Sambah jo titah nan didatua' sajo dianjuang tinggi diamba taba dipuji baiak, dahulu kato basitinah kamudian sambah basicapek sambah kumbali pado Datoea'.
A nan manjadi panitahan didatua' iyo nan bak kato-kato urang toeo, takalo langik basintak naik, bumi mahatam turun, takalo maso dahulunyo takailo sumua kadikali ranting akan dipatah iyolah adat nan batarimo dari ninik kito nan dahulu dari Dt. Katoemanggoengan duo djo Dt. Perpatih nan Sabatang. Cupak duo kato ampek, paratamo cupak usali, kaduo cupak buatan, katigo kato pusako, kaampek kato mufakat, kalimo kato dahulu kato badapati, kaanam kato kamudian kato bacari paamba kato nan dahulu.
Kalampisannyo didalam nantun, ko' adat datang mamakai limbago datang manuang iyo juo manurui' hadih Malayu:
Kaladang manabang pisang,
Nan mudo usah dibawo,
Ilang gadang diganti gadang,
Gadang dilegakan ka nan mudo.
Lai warih nan kamanjawek, pusako nan kamanyandang cupak nan diisi adat nan dipakai limbago nan dituang nan bagala Bagindo Moedo dahulu kini bagala Dt. Moedo..
Lai panungkeknyo sarato orang mudonyo dan urang basanyo, baitu juo Sutan jo pangeran alah pulo batarangkan disilang nan bapangka karajo nan bajunjuang.
Ba' sado nan batarangkan nantun kok basuk dilaboeh nan golong dipasa nan rami minta' dipapasih gala orang itu. Baitu bana janyo Datoea'?
lo bana, jawab Dt. Pandjang.
Dt. Sati
Sapanjang panitahan Datoea' didalam adat. Sungguahpun didalam adat karano dihadapan panghulu nan 4 buah nagari, ambo tarik kato itu jo mufakat,
Dan Dt. Satipoen mampaiyokan dengan panghulu nan ampek buah nagari. Panjawapan panghulu nan 4 buah nagari sapanjang kabanaran silang bapangka lah dalam adat bana.
Dt. Satipun mangumbalikan sambah kapado Dt. Pandjang manarangkan bahaso sudah ditarimo oleh panghulu nan 4 buah nagari
Sesudah itu jamu itu minta' dilapeh jo hati nan sucii, muko nan djaniah katampat masing-masing.
Dt. TONGGA.
............................
Catatan :
GELAR ADAT BUKAN BARANG DAGANGAN: BELAJAR DARI KERAPATAN LAMA MINANGKABAU
"Ketika adat diwariskan melalui mufakat, bukan transaksi dan mengapa hari ini kita justru berjalan ke arah sebaliknya'
Di tengah maraknya praktik pemberian gelar adat secara seremonial bahkan dalam beberapa kasus diduga sarat kepentingan kita seolah lupa bahwa gelar dalam tradisi Minangkabau bukanlah simbol kosong. Ia bukan penghias nama. Ia bukan pula alat legitimasi sosial yang bisa dibagikan sesuai selera.
Sebuah teks lama dari tahun 1940, yang merekam prosesi pengangkatan gelar di Kelarasan Soengai Poear (Oud Agam), justru memperlihatkan hal yang sebaliknya: betapa ketat, sakral, dan berlapisnya proses tersebut.
Dan dari situlah kita harus mulai bercermin.
Gelar Adat: Sistem, Bukan Seremonial
Dalam teks itu, pengangkatan gelar tidak dimulai dengan pengumuman, apalagi seremoni. Ia dimulai dengan sambah, permohonan izin yang penuh kerendahan hati di hadapan penghulu, ulama, dan ninik mamak.
Tidak ada keputusan tunggal. Tidak ada otoritas absolut.
Yang ada adalah satu prinsip yang diulang-ulang:
“Kato surang dibulati, kato basamo dipaiyokan.”
Keputusan adat adalah keputusan bersama.
Bandingkan dengan praktik hari ini:
berapa banyak gelar diberikan tanpa musyawarah kaum ?
berapa yang lahir bukan dari mufakat, tetapi dari momentum ?
Dua Jalan yang Tak Bisa Dipisahkan
Teks tersebut menegaskan dengan sangat jelas:
“Jalan duo nan baturuik: adat jo syarak.”
Artinya, setiap keputusan harus:
sah secara adat
sah secara agama
Tidak cukup hanya “dianggap pantas”.
Tidak cukup hanya “berjasa”.
Ia harus melewati dua saringan nilai yang ketat.
Pertanyaannya hari ini sederhana:
Apakah semua gelar yang diberikan sekarang telah melewati dua jalan itu ?
Pusaka Tidak Bisa Dipindahkan, Apalagi Diperjualbelikan
Kalimat paling keras dalam teks itu berbunyi:
“Pusako ta’ bulieh diubahkan.”
Ini bukan kiasan. Ini hukum adat.
Gelar pusako:
tidak bisa dipindahtangankan
tidak bisa dinegosiasikan
tidak bisa ditransaksikan
Ia diwariskan. Ia dijaga. Ia dipertanggungjawabkan.
Namun realitas hari ini menunjukkan gejala yang mengkhawatirkan:
gelar diberikan kepada tokoh luar struktur kaum
disematkan tanpa garis genealogis
bahkan dalam beberapa kasus, muncul isu “biaya adat”
Jika ini dibiarkan, maka yang rusak bukan sekadar prosedur, tapi fondasi adat itu sendiri.
Suksesi Adat: Mekanisme yang Tidak Bisa Dipercepat
Dalam teks itu, pengangkatan gelar terjadi karena satu hal:
pemangku lama wafat.
Dan solusinya jelas:
“Patah tumbuh, hilang baganti.”
Ada sistem. Ada garis. Ada urutan.
Tidak ada percepatan. Tidak ada bypass. Tidak ada “penunjukan instan”.
Hari ini, justru yang terjadi sebaliknya:
gelar muncul tanpa konteks kehilangan
tanpa kebutuhan struktural
tanpa kesinambungan adat
Akibatnya ?
Gelar kehilangan fungsi, tinggal simbol.
Dari Mufakat ke Formalitas
Proses dalam teks itu panjang, berlapis, bahkan terkesan berulang. Tapi justru di situlah letak kekuatannya.
Setiap keputusan:
ditanyakan ulang
dikonfirmasi kembali
dimusyawarahkan berulang
Karena dalam adat, kesalahan tidak boleh terjadi.
Bandingkan dengan hari ini:
keputusan cepat
seremoni megah
legitimasi tipis
Adat direduksi menjadi formalitas.
Alarm yang Seharusnya Sudah Kita Dengarkan
Teks 1940 itu tidak sedang bercerita tentang masa lalu.
Ia sedang mengingatkan masa kini.
Bahwa:
gelar adat adalah amanah, bukan hadiah
legitimasi lahir dari sistem, bukan simbol
dan adat hanya hidup jika dijaga, bukan dipermainkan
Jika hari ini gelar bisa diberikan dengan mudah, bahkan kepada yang tidak berada dalam struktur adat, maka kita harus jujur mengatakan:
"itu bukan lagi adat Minangkabau, melainkan penyimpangan yang dibungkus adat."
Penutup: Menjaga atau Membiarkan
Pilihan kita sebenarnya sederhana:
Menjaga adat dengan segala ketegasannya,
atau membiarkannya larut menjadi seremoni tanpa makna.
Karena jika gelar terus dipermudah,
jika pusaka terus dilonggarkan,
jika mufakat digantikan formalitas
maka yang hilang bukan sekadar gelar.
"Yang hilang adalah marwah."
Dan ketika marwah hilang,
adat tidak mati, tetapi menjadi kosong.
sumber: Majalah Berita Koerai No. 5 Tahun 1940.
edited by Marjafri
Tidak ada komentar:
Posting Komentar